METAPOSTA resultou gañador da categoría «Administración autonómica» na convocatoria de «Casos de éxito TIC Innovadores y Ejemplares en Administración y Organismos Públicos» co proxecto «Metaposta, tu caja fuerte electrónica, tu buzón en la Red» («Metaposta, a túa caixa forte electrónica, a túa caixa do correo na Rede») organizada pola asociación @asLAN. Esta iniciativa ten como obxectivo principal facilitar o intercambio de coñecementos e recoñecer publicamente o esforzo e dedicación dos responsables TIC de AAPP que os lideraron.

Nesta edición de 2011 concursaron un total de 94 casos de éxito de 77 organismos públicos, o que superou notablemente os resultados da pasada edición, entre os que foron seleccionados 27 finalistas, a través dun proceso aberto e transparente, en que participaron coas súas votacións 867 profesionais.

O vindeiro 7 de abril, Metaposta recibirá o galardón tras presentar o proxecto «Metaposta, tu caja fuerte electrónica, tu buzón en la Red» no marco da feira SITI/asLAN'2011, coa presenza de representantes de diferentes organismos públicos, directivos de empresas asociadas @asLAN e medios de comunicación.

A data de hoxe, e só un mes, máis de 3000 persoas utilizan os servizos de METAPOSTA, desde que se presentou oficialmente o pasado 16 de febreiro.

@asLAN, a Asociación de proveedores de sistemas de red, internet y telecomunicaciones, desde a súa creación no ano 1989 tivo como misión a promoción e difusión das tecnoloxías de redes e telecomunicacións en España no eido empresarial.