Zer da Metaposta eta nola erregistratu

METAPOSTA, zure dokumentu-gordailu elektronikoa, zure postontzia sarean

Zure dokumentu guztiak leku bakarrean

  • Entitateen dokumentuak jaso

Orain arte ohiko postontzietan jasotzen genituen paperezko gutunak elektronikoki bidaltzen dituzte orain entitateek METAPOSTAra: Iberdrola, EDP NATURGAS ENERGÍA, Euskaltel edo ur-partzuergoen fakturak, Kutxabank edo Laboral Kutxaren laburpenak...

  • Zure dokumentuak igo

Interes pertsonaleko dokumentuak METAPOSTAra igo daitezke bertan gordetzeko. METAPOSTAn dauden dokumentuak elektronikoki sinatu ahal dira balio legala emanez Administrazioaren aurrean.

METAPOSTAn jasotzen diren dokumentu guzti hauek, automatikoki artxibatzen dira, dokumentu-gordailu SEGURU batean behin betiko gordez, galtzeko edo hondatzeko arriskurik gabe.

Era honetan, edozein tokitik eta edozein momentuan kontsultatu ahal izango dituzu zure dokumentuak. Horrela, dokumentazio pertsonala gordetzeko leku seguru eta bakarra izango duzu, paperen sakabanatzea edo galera saihestuz.

METAPOSTA doako zerbitzua da. Alta hartu nahi al duzu?

Hiru modu hauen bidez har dezakezu alta:

  1. Ziurtagiri digitala (NAN elektronikoa, IZENPE txartela, CAMERFIRMA txartela, ONA txartela, CERES ziurtagiria, edota Osakidetza eta EHUren enpresa-ziurtagiriak).
  2. KZgunea zentro publikoetan.
  3. Online bankaren bidez (Bankoa, Bilbao Bizkaia Kutxa, Euskadiko Kutxa, Vital Kutxa, Ipar Kutxa edo Kutxa).

Laguntzarik behar baduzu, zu entzuteko prest gaude