METABOX

METABOX, irtenbide globala harpidedun guztientzako

Enpresek euren langile edo bezeroen esku jar dezakete METABOX gune segurua, dokumentazio pribatua bidaltzeko: nominak, prestakuntza-ziurtagiriak, txosten medikoak eta abar.

METABOX soluzio globala da, eta baliabide horrekin igorleak produktibitatea hobetu ahal izango du bere hartzaile-unibertsoari bidalketak eginez, eta une oro METAPOSTAren segurtasunari eutsiz. Igorleak konfiantzazko hirugarren gisa dihardu, eta dokumentazioa METABOXera noiz eta nori bidaltzea erabakitzen du.

Iritsi zaitez zure harpidedun guztiengana bidalketa bakarrarekin

  • Metaposta Delivery bidalketa-aplikazioaren bitartez kudeatzen da, instalazio gehiago egin behar izan gabe.
  • METAPOSTAk baditu materialak eta baliabideak dokumentazio-hartzaileei zerbitzu berri honi buruzko informazioa emateko, eta beraientzat doakoa izango da zerbitzua.
  • METABOX postontziak pertsona fisiko nahiz juridikoentzako sor daitezke.

Erabilera-adibideak

  • Nominak eta 10T.
  • Lan-osasunari buruzko dokumentuak.
  • Lan- eta merkataritza-kontratuak.
  • Diplomak eta Ziurtagiriak.
  • Fakturak.

Jarraitu beharreko urratsak

Erakunde igorleak Metaposta Delivery bidalketa-aplikazioa instalatuta dauka bere ordenagailuan, eta aplikaziotik, Excel erraz baten bitartez, METABOX postontzi guztiak sortzen ditu dokumentazioa bidali nahi dien NAN edo IFKekin.

Bidali behar diren dokumentuek PDF formatuan egon behar dute eta aplikaziotik bertatik sina daitezke.

Postontziak sortu eta bidali beharreko dokumentuak prestatu ondoren, Metaposta Deliveryn kargatzen dira eta METABOX postontzietako bakoitzean entregatzen dira.

Bermeak eta onurak

  • SEGURUA. METABOXen komunikazioak modu zifratuan egiten dira eta bidalketen harrera bermatzen da.
  • DATU PERTSONALAK BABESTEKO LEGE ORGANIKOA BETETZEN DU. Tratamendu guztiak Datu Pertsonalak Babesteko Lege Organikoak maila handiko datuetarako ezartzen dituen neurriak kontuan izanik egiten dira.
  • DOKUMENTUEN GALERA SAIHESTEN DU. METABOXen erabiltzaileek beti eskura izango dituzte nominak edo beste dokumentu batzuk, eta edozein unetan eskuratu ahal izango dituzte.
  • GUNE PERTSONALA. Enpresa igorlearen eta METABOXen erabiltzailearen arteko kontratu-harremana eteten bada, erabiltzaileak bere postontzia izaten jarraituko du, bertan bilduta dagoen dokumentazio guztiarekin.
  • METABOXetik METAPOSTAra. METABOXen edozein erabiltzailek METAPOSTArekin bat egin ahal izango du eta bere postontziaren funtzionalitateak guztiz doan eta modu erosoan zabaldu ahal izango ditu

Tarifak

METABOXen prezioa dokumentu-bidalketa bakoitzari dago lotuta; bidalketa-programa instalatzeak edo METABOX postontzi bat edukitzeak ez du inolako kosturik.

Sinatu gabe komunikatzearen kostua (prezioa BEZik gabe):

  • 0Kb - 300Kb: 0,113€
  • 300Kb - 600Kb: 0,185€

Sinatuta dauden eta legezko zaintza duten komunikazioen kostua (prezioa BEZik gabe):

  • 0Kb - 300Kb: 0,163€
  • 300Kb - 600Kb: 0,235€

Arrakasta-kasu bat

Mercedes-Benz enpresak METABOXen bitartez bidaltzen ditu Gasteizko langileen nominak

Metapostak Mercedesen kudeaketa-sistemak hobetzen ditu, Gasteizko Mercedes-Benzeko langile bakoitzarentzat online postontzi bat sortuz, eta giza baliabideen sailak sortzen duen dokumentazio guztia modu seguruan entregatzen dio.

METABOX soluzioarekin Gasteizko Mercedes-Benzek nominak eskura entregatzetik eratorritako arazoak konpontzen ditu neurri handi batean, eta Datu Pertsonalak Babesteko Lege Organikoa betetzen duela bermatzen du.

Irakurri gehiago >

 

Zabaldu informazio hau 943 000 833 telefono-zenbakira deituz edo metaposta@metaposta.com helbidera idatziz.